ఆయుర్వేద వైద్యంలో పలు వ్యాధులకు చక్కటి చిట్కాలు వున్నాయి. ఆస్తమా, దీర్ఘకాలిక జ్వరాలు, గ్యాస్ ట్రబుల్ తగ్గేందుకు ఏం చేయాలో చూద్దాం.
ఆస్తమా
పిప్పళ్లపొడి, తెల్లజిల్లేడు పూలు ఒక్కొక్కటి 50 గ్రాముల చొప్పున తీసుకుని తగినంత అన్నం వార్చిన గంజితో మెత్తగా నూరి, శనగలంత మాత్రలు చేసి ఆరించి ఉంచుకుని వ్యాధి తీవ్రతను బట్టి రోజుకి 1 లేదా 2 సార్లు ఒక మాత్ర చొప్పున మింగి తగినన్ని గోరువెచ్చని నీళ్లు సేవిస్తుంటే ఆస్తమా వ్యాధి చక్కగా నియంత్రణలోకి వచ్చేస్తుంది.
దీర్ఘకాలిక జ్వరాలకు...
50 గ్రాముల పిప్పళ్ల చూర్ణాన్ని 100 గ్రాముల బెల్లంతో కలిపి మెత్తగా దంచి నిలువ వుంచుకుని రోజూ ఉదయం, సాయంత్రం పూటకి 1 లేదా 2 గ్రాముల ఔషధాన్ని సేవించి ఒక కప్పు గోరువెచ్చని పాలు సేవిస్తూ వుంటే చక్కటి ఫలితం కనబడుతుంది.
గ్యాస్ ట్రబుల్ తగ్గేందుకు...
పిప్పళ్లు, శొంఠి, మిరియాలు, జీలకర్రను వేయించి చేసిన పొడులను ఒక్కొక్కటి 25 గ్రాములు, ఉప్పు 100 గ్రాములు కలిపి వుంచుకుని రోజూ ఉదయం ఆహారానికి అర్థగంట ముందు 100 మి.లీ.ల వేడి నీటిలో 1 లేదా 2 గ్రాముల పొడి, అరబద్ధ నిమ్మరసం కలిపి సేవిస్తుంటే కడుపు ఉబ్బరం, కడుపు నొప్పి, ఆకలి లేకపోవడం, అరుచిలాంటి సమస్యలకు మంచి ఫలితం కలుగుతుంది.
