పచ్చి, ఎర్ర మిరపకాయలు వంట కోసం వాడతారు. వీటిలో విటమిన్ ఎ, బి6, సి, ఐరన్, కాపర్, పొటాషియం, ప్రొటీన్, కార్బోహైడ్రేట్స్ వంటి పోషకాలు పుష్కలంగా ఉన్నాయి. అంతే కాకుండా, బీటా-కెరోటిన్, క్రిప్టోక్సాంటిన్, లుటిన్‌క్శాంటిన్ వంటి శరీరానికి ఆరోగ్యాన్ని చేకూర్చే పదార్థాలు కూడా ఉన్నాయి.
ఆకుపచ్చ , ఎరుపు రంగులలో ఏ రకమైన మిరపకాయ ఆరోగ్యానికి ఎక్కువ మేలు చేస్తుందో చూద్దాం. పచ్చి మిరపకాయలు జీర్ణక్రియను మెరుగుపరచడంలో మంచివి. ఇందులో ఫైబర్ పుష్కలంగా ఉండటం వల్ల జీర్ణ ప్రక్రియ సులభంగా జరిగేలా చేస్తుంది.
అలాగే పేగులను ఆరోగ్యంగా ఉంచుతాయి. పచ్చి మిరపకాయలు కూడా బరువు తగ్గడంలో సహాయపడతాయి. ఎందుకంటే ఇందులో కేలరీలు ఉండవు. అదే సమయంలో ఇది జీవక్రియను పెంచడానికి సహాయపడుతుంది. ఇందులో ఉండే విటమిన్ ఎ కళ్లకు, చర్మానికి మేలు చేస్తుంది. పచ్చిమిర్చిలో ఉండే బీటా కెరోటిన్ గుండె పనితీరు మెరుగ్గా ఉంటుంది.
అలాగే పచ్చి మిరపకాయల్లో అద్భుతమైన యాంటీ ఆక్సిడెంట్ గుణాలు ఉన్నాయి. పచ్చి మిర్చిలో ఉండే విటమిన్ సి శక్తివంతమైన యాంటీ ఆక్సిడెంట్. ఇది క్యాన్సర్ రాకుండా కాపాడుతుంది. ఇది ఊపిరితిత్తుల క్యాన్సర్, నోటి క్యాన్సర్, పెద్దప్రేగు క్యాన్సర్ ప్రమాదాన్ని తగ్గించే యాంటీఆక్సిడెంట్ లక్షణాలను కలిగి ఉంది.
