కనుముక్కు తీరు ఎంత చక్కగా ఉన్నా చర్మం అందంగా ఉంటేనే మరింత ఆకర్షణీయంగా కనిపిస్తుంది. వయస్సు పెరిగే కొద్దీ చర్మంలోని తేమ తగ్గిపోతుంటుంది. క్రమేపీ చర్మం మృదుత్వాన్ని కోల్పోయి బిరుసుగా తయారవుతుంది. ముప్పై నుంచి నలభై సంవత్సరాల మధ్య వయస్సు వారికి కళ్ళ క్రింద నల్లని వలయాలు, ముడతలు వంటివి ఏర్పడి దిగులు పెడుతుంటాయి.
నలభయ్యవ పడిలో చర్మం సాధారణంగా డ్రై అవుతుంది. ఈవెనింగ్ ప్రీమ్ రోజ్ ఆయిల్, యాంటీ ఆక్సిడెంట్లు విటమిన్ సి సప్లిమెంట్లను రోజూ తీసుకోవడం వల్ల ప్రయోజనం ఉంటుంది. ఉదయం రెండు బాదం పప్పులను కొంచెం పాలలో నానబెట్టాలి. రాత్రి వాటిని మెత్తగా చేసి ఆ పేస్ట్‌ను కళ్ళ చుట్టూ రాస్తే బ్లాక్ సర్కిల్స్ తగ్గుతాయట.
