కంటి కిందటి నల్లటి వలయాలకు పుదీనా ఆకులు ఎంతో మేలు చేస్తాయి. పుదీనాలోని పోషకాలు కంటి సమస్యలను తగ్గిస్తాయి. అలాగే కంటి కింద వుండే డార్క్ సర్కిల్స్‌ను కూడా తొలగిస్తాయి. తాజా పుదీనా ఆకుల నుంచి తీసిన రసాన్ని కంటి చుట్టూ అప్లై చేయాలి. పది నిమిషాల పాటు ఆ ప్యాక్‌ను అలానే వుంచి.. చల్లని నీటిలో వుంచిన కాటన్‌తో తుడిచేయాలి. ఇలా రెండు రోజులకోసారి చేస్తే.. డార్క్ సర్కిల్స్‌ను దూరం చేసుకోవచ్చు.
ఇకపోతే.. రెండు టమోటాల గుజ్జుకు చెంచా నిమ్మరసం, చిటికెడు సున్నిపిండి, పసుపును కలపాలి. ఆ మిశ్రమాన్ని కంటి చుట్టూ.. అప్లై చేసి 20 నిమిషాల తర్వాత శుభ్రం చేయాలి. వారానికి రెండుసార్లు ఇలా చేస్తే కంటి కింద చర్మం తెలుపుగా మృదువుగా మారుతుంది.
