ఈ కాలంలో చర్మ సంబంధ సమస్యలతో ఎంతో మంది పలురకాల ఇబ్బందులు ఎదుర్కుంటున్నారు. రకరకాల క్రీమ్స్ వాడినా చర్మం కళ తప్పి, పొడిబారి కాంతి హీనంగా మారుపోయింది. అందుకు ఏం చేయాలో తెలియక సతమతమవుతుంటారు. ఈ సమస్య నుండి ఉపశమనం లభించాలంటే.. కొబ్బరి నీళ్లు తాగడం చక్కటి పరిష్కారమని చెప్తున్నారు నిపుణులు.
కొబ్బరినీళ్లు దప్పికను తీర్చడమే కాదు.. ఆరోగ్యానికీ, చర్మానికీ ఎంతో మేలు చేస్తాయి. పొడిబారిన చర్మంతో బాధపడేవారు రోజుకో గ్లాస్ కొబ్బరినీళ్లు తీసుకోవడం అలవాటు చేసుకోవాలి. ఆ నీళ్లలో ఉండే పోషకాలు చర్మానికి తేమనందించి, పొడిబారకుండా చేస్తాయి. కొబ్బరినీళ్లల్లో ఉండే యాంటీఆక్సిడెంట్స్, యాంటీ ఏజింగ్ కారకాలూ వృద్ధాప్య ఛాయలు కనిపించకుండా చేస్తాయి.
కొబ్బరి నీళ్లల్లో కొద్దిగా పెరుగు, నిమ్మరసం, తేనె కలిపి ముఖానికి రాసుకోవాలి. గంట పాటు అలానే ఉంచి ఆ తరువాత గోరువెచ్చని నీటితో శుభ్రం చేసుకోవాలి. ఇలా వారానికి రెండుసార్లు చేస్తే చర్మం పొడిబారకుండా ఉంటుంది. తద్వారా కాంతివంతమైన చర్మాన్ని మీ సొంతం చేసుకోవచ్చును.
