అలంకరణ అంతా పూర్తయ్యాక అంటే మస్కారా, కాటుక వంటివి పెట్టుకున్నాకనే లెన్స్ ధరించాలి. లెన్స్ తీయకముందే మేకప్‌ను తొలగించుకోవాలి. ఇలా చేయడంవల్ల కంటి ఇన్ ఫెక్షన్లూ, ఇతర సమస్యలూ దరిచేరవు. వాటిని పెట్టుకోవడానికి ముందు శుభ్రంగా తుడవాలి. పొడిగా ఉండేలా చూసుకోవాలి.
కొందరు చేతులు ఎలా ఉన్నా లెన్స్ పెట్టుకుంటారు. అలా చేస్తే చేతుల మురికి వాటికి అంటుకుని సమస్యలు తలెత్తే ప్రమాదం ఉంది. అందుకే వాటిని పట్టుకునే ప్రతీసారీ చేతులు శుభ్రపరుచుకోవాలి. పొడిగా ఉండేలా చూసుకోవాలి. అలానే హెయిర్ స్ప్రేలూ, లోషన్లూ, డియోడరంట్లూ వాడటం మానేయాలి.
