జీఎంఎం ఫౌడ్లర్‌ లిమిటెడ్‌ (జీఎంఎంపీ) జూలై 01, 2020వ తేదీన హైదరాబాద్‌లోని ది డైట్రిచ్‌ ప్రాసెస్‌ సిస్టమ్స్‌ ఇండియా ప్రైవేట్‌ లిమిటెడ్‌ (డీడీపీఎస్‌ఐ) యొక్క గ్లాస్‌ లైన్డ్‌ సామాగ్రి తయారీ కేంద్రాన్ని సొంతం చేసుకుంది. ఈ అత్యాధునిక తయారీ సదుపాయం నాచారం ఇండస్ట్రీయల్‌ ఎస్టేట్‌ వద్ద 6 ఎకరాల విస్తీర్ణంలో ఉంది.
ఈ సదుపాయాన్ని లాంఛన ప్రాయంగా అక్టోబర్‌ 02,2020వ తేదీన ప్రారంభించారు. తద్వారా వృద్ధి చెందుతున్న వినియోగదారుల పట్ల జీఎంఎం ఫౌడ్లర్‌ యొక్క సుదీర్ఘకాల నిబద్ధతను చూపుతుంది. ఈ సదుపాయంతో పాటుగా జీఎంఎం ఫౌడ్లర్‌ మరో రెండు కేంద్రాలను పశ్చిమ భారతదేశంలో గుజరాత్‌లోని కరాంసాద్‌ వద్ద మరోటి మహారాష్ట్రలోని పూణె వద్ద నిర్వహిస్తుంది.
ఈ సందర్భంగా శ్రీ తారక్‌ పటేల్‌, మేనేజింగ్‌ డైరెక్టర్- జీఎంఎం ఫౌడ్లర్‌ మాట్లాడుతూ, ‘‘జూలైలో మేము డీడీపీఎస్‌ఐను సొంతం చేసుకున్నామని వెల్లడించిన అతి కొద్దికాలంలోనే ఈ కేంద్రంలో కార్యకలాపాలను ఆరంభించడం పట్ల మేము సంతోషంగానూ, గర్వంగానూ ఉన్నాం. ఈ సదుపాయం కేవలం మా గ్లాస్‌ లైన్డ్‌ సామాగ్రి తయారీ సామర్థ్యం వృద్ధి చేయడం మాత్రమే కాదు, ఫార్మాస్యూటికల్‌, రసాయన పరిశ్రమల నుంచి వృద్ధి చెందుతున్న డిమాండ్‌ను సైతం గణనీయంగా తీర్చడంలో మాకు సహాయపడనుంది. ఈ ఎక్వైజేషన్‌తో జీఎంఎం ఫౌడ్లర్‌ మరింతగా ఈ పరిశ్రమలో తమ నాయకత్వ స్ధానాన్ని బలోపేతం చేసుకోనుంది’’ అని అన్నారు.
