MARS పెట్‌కేర్ ఇండియా: పెంపుడు జంతువుల కోసం ప్రేమగల సమాజాన్ని సృష్టిస్తుంది
మంగళవారం, 27 జులై 2021 (17:49 IST)
పెంపుడు జంతువుల పోషణలో ప్రపంచ మార్గదర్శకులు అయిన MARS పెట్‌కేర్, హైదరాబాద్‌లో హైటెక్ సిటీలోని V కన్వెన్షన్ సెంటర్‌లో ఈరోజు నుంచి వరుస ఆరోగ్య శిబిరాలను ప్రారంభించారు. ఈ ఆరోగ్య శిబిరాలు దాదాపు 50 పెంపుడు జంతువుల పేరెంట్స్ తో మంచి ప్రతిస్పందనను పొందాయి, వారంతా కుక్కలు మరియు పిల్లుల ఆరోగ్య పరీక్ష కోసం అలాగే సుమారు 10 పిల్లుల మరియు కుక్కపిల్లల దత్తత కోసం ఆరోగ్య శిబిరాలను సందర్శించారు.
పెంపుడు జంతువుల ఆరోగ్య శిబిరంలో ఒక పశువైద్యుడు, ఒక సహాయకుడు మరియు అవసరమైన అన్ని మందులతో రెండు మొబైల్ డాగ్ క్లినిక్‌లు ఉన్నాయి. ఆరోగ్య ఎక్స్-రే పరీక్షలు, శారీరక పరీక్షలు, రక్త నమూనా సేకరణ చేపట్టారు. ఉచిత యాంటీ రేబిస్ టీకా మరియు డీవార్మింగ్ జరిగింది. ఈ కార్యక్రమాలు 2008 లో స్థాపించబడిన వెట్స్ సొసైటీ ఫర్ యానిమల్ వెల్ఫేర్ అండ్ రూరల్ డెవలప్‌మెంట్ (VSAWRD) భాగస్వామ్యంతో నిర్వహించబడుతున్నాయి. VSAWRD అనేది AWBI ద్వారా గుర్తించబడినది, దీనిని జంతు సంక్షేమ సంస్థగా పరిగణిస్తారు.
MARS పెట్‌కేర్ ఇండియా జనరల్ మేనేజర్ గణేష్ రమణి ఇలా వ్యాఖ్యానించారు: "కుక్కలు మరియు పిల్లులతో మానవులు పరస్పరం మరియు సంతోషంగా సహజీవనం చేయగల సమాజాన్ని సృష్టించాలనే నిబద్దతతో ముందుకు సాగుతుంది. తోడుగా వుండే ఈ జంతువులు మానవుల మానసిక ఆరోగ్యానికి మంచి శక్తిని అందిస్తాయి మరియు ఇటువంటి సమస్యాత్మక మహమ్మారి సమయాల్లో సాంగత్యం యొక్క అవసరాన్ని తీరుస్తాయి.
కోవిడ్ -19 నిరాశ్రయ జంతువులకు మరిన్ని బాధలను తెచ్చిపెట్టింది మరియు MARS పెట్‌కేర్లో నిరాశ్రయ జంతువులకు ఆహారం, వాటి దత్తత, అవగాహన భాగస్వామ్యం, వెట్ నిబద్దత మరియు పెంపుడు తల్లిదండ్రులకు మరిన్ని మెళకువలను తెలియజేయడంతో వాటి జీవితాలను మెరుగుపర్చడానికి మేము అవిశ్రాంతంగా కృషి చేస్తున్నాము. ఈ చొరవ గరిష్ట సంఖ్యలో పెంపుడు జంతువులను కోరుకునే, చూసుకునే మరియు ప్రేమగల గృహాలలో స్వాగతించే దిశగా ఒక ముందడుగు వంటిది. పెంపుడు జంతువులకు మెరుగైన ప్రపంచాన్ని సృష్టించే మా సంస్థాగత ఉద్దేశ్యాన్ని ప్రభావితం చేయడానికి మరియు ప్రభావాన్ని సృష్టించడానికి VSAWRD వంటి సంస్థలతో భాగస్వామిగా ఉండటానికి మేము అవకాశాలను సృష్టించడం కొనసాగిస్తాము. ”
పెంపుడు జంతువులకు మెరుగైన ప్రపంచాన్ని సృష్టించే వారి సంస్థాగత ఉద్దేశ్యానికి కట్టుబడి, MARS పెట్‌కేర్ నిరాశ్రయ / సమాజ సహచర జంతువుల పరిస్థితిని దృష్టిలో ఉంచుకుని ఈ కార్యకలాపాలను ప్రారంభిస్తుంది మరియు ఇవి సమాజంలో కుక్కలు లేదా పిల్లులు స్వాగతించబడేలా చూసుకుంటాయి మరియు నిర్ధారిస్తాయి. ఇంకా, ఈ చొరవ పెట్ పేరెంట్లకు కుక్కలు మరియు పిల్లుల పోషక అవసరాల గురించి అవగాహన కల్పించడంలో సహాయపడుతుంది మరియు పెంపుడు జంతువుల ఆహారం వాటి పెరుగుదల మరియు మంచి ఆరోగ్యం కోసం అన్ని క్లిష్టమైన పోషకాలను ఎలా అందించాలో తెలుపుతుంది.
ఈ చొరవ గురించి మాట్లాడుతూ, ప్రముఖ పశువైద్యుడు VSAWRD వ్యవస్థాపకుడు డాక్టర్ మురళీధర్ ఇలా మాట్లాడారు, "కమ్యూనిటీలు, పెట్ పేరెంట్లు మరియు ప్రజలకు వారి ప్రాంతాలలో నివసించే జంతువులను ఎలా చూసుకోవాలో తగిన జ్ఞానాన్ని అందించడం ఈ యాక్టివిటీ యొక్క ముఖ్య ఉద్దేశ్యం. ఈ కార్యక్రమం ఆకర్షణీయంగా మరియు జ్ఞానోదయ రీతిలో నిర్వహించబడుతుంది, తద్వారా ప్రేక్షకులు ప్రచారానికి సరైన శ్రద్ధ చూపుతారు మరియు పంచుకున్న జ్ఞానాన్ని సమర్థవంతంగా గ్రహిస్తారు. ఇది వృద్ధి చెందుతున్న జంతు-స్నేహపూర్వక సమాజాన్ని నిర్మించడంలో మాకు సహాయపడుతుంది అలాగే ప్రజలు మరియు జంతువులు సహజీవనం చేసే మంచి సమాజంలో జీవించడానికి అవకాశాన్ని అందిస్తుంది మరియు ఇతర సమాజాలకు ఒక ఉదాహరణగా నిలుస్తుంది. ”
ఈ ప్రచారం యొక్క ప్రధాన లక్ష్యం:
1. జంతువుల పట్ల దయను పెంపొందించడం, అందువల్ల క్రూరత్వం మరియు సంఘర్షణలను తగ్గించడం.
2. జంతువులను గౌరవంగా జీవించడానికి అనుమతించడం నేర్చుకోవడం.
3. నిరాశ్రయ జంతువుల కోసం నీరు, ఆశ్రయం, ఆహారం, చికిత్స మొదలైన అనేక జంతు సంక్షేమ కార్యకలాపాలను ప్రేరేపించడం.
వీధుల్లో వుండే చాలా పెట్ జంతువులు ఆకలి, ఆశ్రయం మరియు వ్యాధితో బాధపడుతున్నాయి. కోవిడ్-19 మహమ్మారి పరిస్థితిని మరింత దిగజార్చడంతో, మరింత మానవత్వంతో కూడిన సమాజాన్ని సృష్టించడానికి ప్రజలను ప్రేమతో మరియు కరుణతో వ్యవహరించేలా అవగాహన కల్పించాల్సిన అవసరం ఉంది.
