దేశంలో పెట్రోల్, డీజిల్ ధరలు నానాటికీ పెరిగిపోతున్నాయి. దీంతో వాహనచోదకులు భయపడిపోతున్నారు. గత యూపీఏ ప్రభుత్వ హయాంలో ఒక్క రూపాయి పెరిగినా గగ్గోలు పెట్టిన నేటి బీజేపీ పాలకులు... ఇపుడు విపరీతంగా పెరిగిపోతున్నా నోరుమెదపకుండా ఉంటున్నారనే విమర్శలు వెల్లువెత్తుతున్నాయి.
6 నెలల క్రితం అత్యధికంగా రూ.75 చేరింది. ఈ క్రమంలో కేంద్రం చర్యలు తీసుకుని.. ఎక్సైజ్ సుంకాన్ని తగ్గించటంతో కొంత ఊరటనిచ్చింది. ఆ తర్వాత రోజూ 5, 10 పైసలు పెరుగుతూ, తగ్గుతూ 2018, జనవరి 2వ తేదీకి రూ.74.10పైసలు, డీజిల్ రూ.64.79కి చేరింది.
ఇదిలావుంటే, యునైటెడ్ అరబ్ ఎమిరేట్స్ ముడి చమురు ధరలను పెంచింది. బ్యారల్ పై 4 శాతం పెరుగుదల ఉంది. ఈ పెంపు కూడా స్వదేశీ మార్కెట్‌పై పడనుంది. ఇప్పటికే దిగుమతి చేసుకున్న ఆయిల్‌పై ఈ ధరల ప్రభావం లేకున్నప్పటికీ రాబోయే వారం, 10 రోజుల్లో అరబ్ దేశాల నుంచి దిగుమతి చేసుకునే ఇంధనంపై కొత్త ధరల ప్రభావం ఉంటుందని మార్కెట్ నిపుణులు అంచనా వేస్తున్నారు.
