తెలంగాణ రాష్ట్రంలో కన్వీనర్ కోటాలో ఎంబీబీఎస్, బీడీఎస్ వైద్య సీట్ల భర్తీ కోసం నోటిఫికేషన్ జారీ అయింది. మంగళవారం నుంచి ఆన్‌లైన్‌లో దరఖాస్తు చేసుకోవచ్చని కాళోజీ నారాయణ రావు ఆరోగ్య విశ్వవిద్యాలయం సోమవారం విడుదల చేసిన ఓ పత్రికా ప్రకటనలో పేర్కొంది.
నిర్దేశిత దరఖాస్తు పూర్తి చేయడంతోపాటు అభ్యర్థులు సంబంధిత ధృవీకరణ పత్రాలను స్కాన్ చేసి వెబ్‌సైట్‌లో అప్‌లోడ్ చేయాల్సి ఉంటుదని, ఆన్‌లైన్‌లో సమర్పించిన దరఖాస్తులు, ధృవపత్రాలను యూనివర్శిటీ అధికారులు పరిశీలించిన తర్వాత తుది మెరిట్ ఫలితాలను వెల్లడిస్తారు. ప్రవేశాలకు సంబంధించి అర్హత ఇతర సమాచారానికి యూనివర్శిటీ వెబ్‌సైట్‌ www.knruhs.telangana.gov.in లో చూడాలని యూనవర్శిటీ వర్గాలు పేర్కొన్నాయి.
