కావలసిన పదార్థాలు : బ్రెడ్ స్లైసులు.. నాలుగు పెరుగు... 50 ఎం.ఎల్. బంగాళాదుంపలు... 2 మీడియం సైజువి క్యాబేజీ, క్యారెట్, పనీర్ తురుము.. అన్నీ కలిపి అరకప్పు ఉప్పు, మిరియాలపొడి.. రుచికి సరిపడా మీగడ.. ఒక టీ. ఆవాల పేస్టు.. కాస్తంత
తయారీ విధానం : పెరుగును రాత్రంతా పలుచటి వస్త్రంలో కట్టి, నీరంతా పోయేటట్లు వేలాడదీయాలి. బంగాళాదుంపలను ఉడికించి, పొట్టుతీసి మెత్తగా చిదమాలి. అందులో పనీర్, క్యాబేజీ, క్యారెట్ల తురుము.. ఉప్పు, మిరియాలపొడి, పెరుగు, మీగడ, ఆవాల పేస్టును వేసి బాగా కలపాలి. ఈ మిశ్రమాన్ని టోస్ట్ చేసిన బ్రెడ్ స్లైసుమీద సమంగా స్ప్రెడ్ చేసి పైన మరో బ్రెడ్ స్లైసుతో కప్పి సర్వ్ చేయాలి. అంతే రుచికరమైన, ఆరోగ్యకరమైన.. సులభంగా తయారు చేయగల మార్నింగ్ బ్రేక్‌ఫాస్ట్ పనీర్ పొటాటో శాండ్విచ్ తయార్..! టేస్ట్ చేస్తారా...?!
