వంటింటి టిప్స్ కొన్ని మీ కోసం..
ఇడ్లీ పొడి కొట్టేటప్పుడు కాసింత మెంతులను వేయించి పొడి చేసి చేర్చితే.. వాసన బాగుంటుంది. ఇంకా ఉదర సంబంధిత రోగాలు నయం అవుతాయి. ఉల్లిపాయ ముక్కలను బాణలిలో వేయించి.. ఆపై నూనెలో వేయిస్తే దోరగా మారిపోతాయి.
పంచదారలో నాలుగైదు లవంగాలను వేసి వుంచితే చీమలు దరిచేరవు. పది నిమ్మపండ్లను తెచ్చుకుని రసం పిండుకుని, అందులో పంచదార, చిటికెడు ఉప్పు కలిపి ఫ్రిజ్‌లో పెట్టుకుంటే.. సాలడ్, సూప్‌లలో చేర్చుకోవచ్చు. ఈ రసం పది రోజుల పాటు అలానే వుంటుంది.
క్యాప్సికమ్, దొండకాయ, వంకాయలను వేపుడు చేసేటప్పుడు మసాలాతో పాటు నాలుగు స్పూన్ల వేరుశెనగ పొడి కలిపితే టేస్ట్ అదిరిపోతుంది. పకోడీలా కోసం పిండి కలిపేటప్పుడు అందులో కాస్త నెయ్యి, పెరుగు చేర్చితే పకోడీలు కరకరలాడుతాయి.
