గత కొంతకాలంగా వీరిద్దరూ పీకల్లోతు ప్రేమలో మునిగి తేలుతున్నారు. ఈ విషయం తెల్సిన ఇరువురి కుటుంబ సభ్యలు కూడా వారి ప్రేమకు సమ్మతించి, పెళ్లి చేసేందుకు అంగీకరించారు. అయితే, వీరిద్దరి వివాహ ఘట్టం మాత్రం ఆలస్యమవుతూ వస్తుంది. ఈ నేపథ్యంలో ఈ నెల 23వ తేదీన వీరిద్దరికీ వివాహం చేయాలని నిర్ణయించినట్టు విశ్వసనీయ వర్గాల సమాచారం.
ఈ వివాహానికి ఆహ్వానించే అతిథుల జాబితాను ఇప్పటికే సిద్దం చేసినట్టు తెలుస్తోంది. బాలీవుడ్ నటుడు సల్మాన్ ఖాన్, జాకీష్రాఫ్, అక్షయ్ కుమార్, క్రికెట్ రంగం నుంచి ధోనీ, విరాట్ కోహ్లీ వంటి దిగ్గజ క్రికెటర్లు ఈ వివాహానికి హాజరుకానున్నారు. ఈ వివాహం ముంబై నగరంలోని ఖండాలాలో జరుగనుంది.
