ఈ క్రమంలో 13వ ఓవర్‌లో స్వయంగా రంగంలోకి దిగిన హార్దిక్ పాండ్యాకు చేదు అనుభవం ఎదురైంది. ఓవర్‌ రెండు, మూడో బంతుల్లో విలియమ్సన్‌ వరుస సిక్సర్లు బాదాడు. ఆ తర్వాత సన్‌రైజర్స్‌కు వరుసగా రెండు, ఒక పరుగు వచ్చాయి. ఈ క్రమంలో స్ట్రైక్‌ తీసుకున్న త్రిపాఠి అప్పర్‌ కట్‌ షాట్‌ ఆడాడు. అది కాస్త డీప్‌ థర్డ్‌ మ్యాన్‌ దిశగా బంతి దూసుకుపోయింది.
అయితే, అక్కడే ఉన్న మహ్మద్‌ షమీ క్యాచ్‌ అందుకోవడంలో విఫలమయ్యాడు. షమీ క్యాచ్‌ డ్రాప్‌ చేయడంతో హార్దిక్ పాండ్యా సహనం కోల్పోయాడు. అతడి మీదకు అరుస్తూ అసహనం ప్రదర్శించాడు. ఇందుకు సంబంధించిన వీడియోలు సోషల్‌ మీడియాలో చక్కర్లు కొడుతున్నాయి.
