ఇండియన్ ప్రీమియర్ లీగ్‌లో కోల్‌కతా టీమ్‌లో ఆడిన యంగ్ క్రికెటర్ నితీశ్ రానా ఓ ఇంటివాడు కాబోతున్నాడు. ఆల్‌రౌండర్‌గా ఆకట్టుకున్న రానాకు ఆదివారం ఢిల్లీలో తన చిన్ననాటి స్నేహితురాలు సాచి మర్వాతో నిశ్చితార్థం జరిగింది. అతి తక్కువమంది సన్నిహితులు, స్నేహితుల మధ్య ఇరు కుటుంబాలకు చెందిన వారు ఈ వేడుకకు హాజరయ్యారు.
కాగా రానాను కేకేఆర్ జట్టు రూ.3.4 కోట్లు వెచ్చించి వేలంలో కొనుగోలు చేసిన సంగతి తెలిసిందే. ఇక ఈ 24 ఏళ్ల ఎడమచేతి వాటం బ్యాట్స్‌మెన్.. ఈ ఏడాది ఐపీఎల్ సీజన్‌లో 15 ఇన్నింగ్స్ ఆడి 304 పరుగులు సాధించాడు. ఇక రంజీ ట్రోఫీల్లో 613 పరుగులు, సయ్యద్ ముస్తక్ అలీ ట్రోఫీలో 140 పరుగులను తన ఖాతాలో వేసుకున్నాడు.
