భారత ఫాస్ట్ బౌలర్ మహమ్మద్ షమీని లక్ష్యం చేసుకున్న ఓ వర్గం అభిమానులు కైఫ్‌పైనా గురి పెట్టారు. సూర్య నమస్కారాలు చేస్తున్న తన ఫొటోలు పోస్టు చేయడం, సూర్యనమస్కారాలు ఎటువంటి పరికరాలు లేని సమగ్ర వ్యాయామం అని కూడా తన అభిప్రాయం రాయడం కొందరు అభిమానులు, ఫాలోవర్లకు రుచించలేదు. ఇక అతనిపై విమర్శలు ఎక్కుపెట్టారు. సోషల్ మీడియాలో తనపై వస్తున్న కామెంట్స్‌పై కైఫ్ ఫైర్ అయ్యాడు.
సూర్య నమస్కారాలు శారీరానికి సంబంధించి, ఎలాంటి పరికరం సాయం లేకుండా చేసే పరిపూర్ణ వ్యాయామం అంటూ ట్వీట్‌ చేశాడు. మతానికి వ్యాయామానికి సంబంధం లేదన్న కైఫ్... వ్యాయామం చేసే సమయంలోనూ తన మదిలో అల్లా ఉన్నాడని తెలిపారు.
