భార్యపై దుండగుల మూక అత్యాచారం.. ఆ తర్వాత భర్తతో కలిసి ఆత్మహత్య

ఉత్తరప్రదేశ్ రాష్ట్రంలో ఓ దారుణం జరిగింది. ఇద్దరు దుండగులు ఓ మహిళపై సామూహిక అత్యాచానికి పాల్పడ్డారు. ఆ తర్వాత కొన్ని గంటలకు ఆ ఆమె తన భర్తతో కలిసి విషం తీసుకుని ప్రాణాలు తీసుకుంది. ఈ దారుణం ఉత్తరప్రదేశ్ రాష్ట్రంలోని బస్తీ జిల్లాలో జరిగింది. ఈ కేసు వివారలను పరిశీలిస్తే, 

బస్తీ జిల్లాలో భార్యాభర్తలు ఉన్నారు. వీరిలో భర్తకు 30 యేళ్లు, భార్యకు 27 యేళ్లు. ఈ నెల 20వ తేదీ అర్థరాత్రి సమయంలో ఇద్దరు దుండగులు బాధితారులి ఇంట్లోకి చొరబడి భర్తను కట్టేసి, ఆయన కళ్లెదుటే సామూహిక అత్యాచారానికి పాల్పడ్డారు. ఈ ఘటన జరిగిన కొన్ని గంటల్లోనే భర్తతో కలిసి భార్య విషం సేవించింది. వీరిలో భర్త అదే రోజు మరణించగా, బాధితురాలు మాత్రం గోరఖ్‌పూర్ ఆస్పత్రిలో చికిత్స పొందుతూ శుక్రవారం కన్నుమూసింది.

అయితే, వీరు ఆత్మహత్యకు ముందు రికార్డు చేసిన ఓ వీడియోలో నిందితుల పేర్లను వెల్లడించారు. దీంతో కేసు నమోదు చేసిన పోలీసులు.. ఆదర్శ్ (25), త్రిలోకి (45) అనే ఇద్దరిని అరెస్టు చేశారు. అత్యాచారానికి, బాధితుల భూమి అమ్మకానికి సంబంధం ఉన్నట్టు ప్రాథమిక దర్యాప్తులో తేలిందని పోలీసులు తెలిపారు.