ఇపుడు ప్రతి ఒక్కరూ తీవ్రమైన ఒత్తిడిని ఎదుర్కొంటున్నారు. ముఖ్యంగా చిన్నారుల్లో ఎక్కువ మానసిక ఒత్తిడి ఉంటుంది. అయితే, కొన్ని రకాల ఆహార పదార్థాలను తీసుకోవడం వల్ల ఒత్తిడిని అధిగమించవచ్చని పోషకాహార నిపుణులు చెబుతున్నారు. అవేంటో ఓసారి పరిశీలిద్ధాం.
ఫోలిక్‌ యాసిడ్‌, మెగ్నీషియం పుష్కలంగా ఉన్నప్పుడు శరీరం శక్తి పుంజుకుంటుంది. మెంతికూర, బచ్చలికూర, పాలకూర వంటి ఆకుకూరలను డైలీ డైట్‌లో భాగం చేయండి. వీటిలో పైన చెప్పిన పోషకాలు పుష్కలం.
మీ శరీరం ఉరకలెత్తే ఉత్సాహంతో ఉండాలంటే తగినంత షుగర్‌ కూడా అవసరం. అది కూడా న్యాచురల్‌ షుగర్‌ అయితేనే మంచిది. తాజా పండ్లు, ఎండు ఫలాలు, అడవి తేనె మంచివి.
