కొన్నిరకాల అనారోగ్య సమస్యలను ఇంట్లో ఉండే ఆహర పదార్థాలతోనే నయం చేసుకోవచ్చు. ఈ రకమైన గృహ వైద్యం గురించి తెలుసుకుంటే తరచూ ఎదుర్కొనే ఇబ్బందులను కొంతవరకు తగ్గించుకోవచ్చు. ఇప్పుడు వస్తున్న మందులకి, చేస్తున్న చికిత్సలకి ప్రత్యామ్నాయంగా ఈ చిట్కాలెంతగానో ఉపయోగపడతాయి. అవేంటో ఇప్పుడు తెలుసుకుందాం.
మామిడి, బొప్పాయి, ఫైనాపిల్, కివి పండ్లు, వీటిని తింటే ఫలితముంటుంది. పొట్టలో ఎంత ఇబ్బందిగా ఉన్నా కొన్ని పండ్లలోని ఎంజైముల వల్ల తగ్గిపోతుంది. వెక్కిళ్ళు సమస్య ఉన్నప్పుడు ఓ కప్పు నీళ్ళలో చెంచాడు మెంతులువేసి మరగ కాచిన నీటిని తాగితే తగ్గిపోతుంది. కాల్షియం అధికంగా ఉన్న పెంటాసిడ్ మాత్రలు రెండు మూడు తిన్నాకూడా వెంటనే వెక్కిళ్ళు పోతాయి.
చిన్న చిన్న గాయాలకు ఐస్ ముక్కలను లేదా బాగా చల్లగా వున్న వేటినైనా గాయాలు, బెణుకులు, దెబ్బలు, నొప్పులకి గురైన శరీర భాగంపై కాసేపు ఉంచితే ఉపశమనం కలుగుతుంది. గోరువెచ్చని నీళ్ళుపోసిన గిన్నెలో తురిమిన ఉల్లిపాయ, బంగాళాదుంపల్ని వేసి నొప్పి పెడుతున్న చేతిని లేదా పాదాన్ని ఆ నీళ్ళలో కాసేపు ఉంచాలి. అలా ఉంచితే నొప్పి మటుమాయం.
