తెలంగాణ రాష్ట్రంతో పాటు ప్రపంచ వ్యాప్తంగా మానసిక సమస్యలతో బాధపడే బాధితుల సంఖ్య క్రమంగా పెరిగిపోతోంది. ప్రతి ఎనిమిది మందిలో ఒకరికి ఏదో ఒక మానసిక సమస్యతో బాధపడుతున్నారు. ఎక్కువగా భయం, ఒంటరితనం, ఒత్తిడి, యాంగ్జైటీ వంటివి ఉన్నట్టు తాజాగా నిర్వహించిన అధ్యయనంలో తేలింది.
రానున్న రెండు దశాబ్దాల్లో కేన్సర్, మధుమేహం, శ్వాసకోశ వ్యాధులకు పెట్టే ఖర్చు కంటే ఎక్కువ మానసిక సమస్యల పరిష్కారానికి ఖర్చు చేయాల్సి ఉంటుందని వరల్డ్ ఎకనమిక్ ఫోరం చెబుతుంది. మానసిక ఆరోగ్య పరిరక్షణకు పెట్టే ప్రతి పైసా ఖర్చుకు వచ్చే సామాజిక, ఆర్థిక లాభాలు 3.3 నుంచి 5.7 రెట్లు ఎక్కువగా ఉంది.
