ఒక్కోసారి ఎంత ప్రయత్నించినా అస్సలు నిద్రపట్టదు. అలాంటప్పుడు ఈ '4-7-8 బ్రీతింగ్ టెక్నిక్' మీకు బాగా ఉపయోగపడుతుంది. హార్వ‌ర్డ్ యూనివ‌ర్సిటీ ప్రొఫెస‌ర్ డాక్ట‌ర్ ఆండ్రూ వెయిల్ ఈ ట్రిక్‌ను క‌నుగొన్నారు. నోటి లోప‌ల పై భాగాన్ని టచ్ చేసేలా నాలుక‌ను ఉంచాలి. ఆ తర్వాత 4 సెకన్లు కౌంట్ చేస్తూ శ్వాస‌ను లోపలికి పీల్చాలి.
అనంత‌రం 7 సెకన్లు కౌంట్ చేస్తూ శ్వాస‌ను లోప‌ల అలాగే బంధించాలి. తర్వాత 8 సెకన్లు కౌంట్ చేస్తూ శ్వాస మొత్తాన్ని నోటి ద్వారా పెద్ద‌గా విజిల్ సౌండ్ మాదిరిగా వ‌చ్చేలా గాలిని బ‌య‌ట‌కు వ‌ద‌లాలి. ఇలా రోజుకు 2 నుండి 4 సార్లు చేస్తే మీలో మార్పును గ‌మ‌నిస్తారు. కేవలం కొన్ని సెకన్లలోనే నిద్రలోకి జారుకుంటారు. మీరు ఆందోళనగా ఉన్నప్పుడు ప్రతిస్పందించడానికి ముందు దీన్ని పాటించండి. టెన్షన్‌గా ఉన్నప్పుడు చేయండి. ఉపశమనం దొరుకుతుంది.
