గోరింటాకును ఇష్టపడని మహిళలంటూ ఉండరు. పండుగైనా, ఫంక్షనైనా గోరింటాకు పెట్టాల్సిందే. పూర్వం నుంచి ఇప్పటివరకు మహిళలకు ఇష్టమైనది గోరింటాకు. భారతీయ మహిళలకు గోరింటాకు అంటే చెప్ప‌లేని మ‌క్కువ. పూర్వం నుంచి వస్తున్న ఆచారాన్ని ఇప్పటికి మన వాళ్ళు గౌరవిస్తున్నారు. అయితే గోరింటాకు సేకరించడం, నూరుకోవడం శ్రమతో కూడినది కావడంతో చాలా మంది రెడీమేడ్ గోరింటాకును ఎంచుకుంటున్నారు.
చేతులు ఎర్రగా ఎక్కువ రోజులు ఉండేందుకు, మెహెందీ, హెన్నా, హెయిర్ డైలో పలు రసాయనాలు కలుపుతారని చెబుతున్నారు. కొందరికి ఈ కెమికల్స్ అలర్జీ కలిగిస్తాయని, ఫలితంగా శరీరంపై దద్దర్లు వంటివి వస్తుంటాయని డెర్మటాలజిస్ట్‌లు హెచ్చరిస్తున్నారు.
