కొంచెం ఘాటుగా తయారు చేసుకుంటే జలుబు, దగ్గును నయం చేసుకోవచ్చు. చిక్కగా వుండే టమోటా, క్యారెట్ జ్యూస్‌లు పిల్లల పెరుగుదలకు ఎంతో మేలు చేస్తాయి. అలా ఆరోగ్యానికి మేలు చేసే, దగ్గును మాయం చేసే..క్యాబేజీ, ఉల్లి సూప్ ఎలా చేయాలో చూద్దాం..
స్టౌ మీద పాన్ పెట్టి వెన్న రెండు స్పూన్లు వేసి వేడయ్యాక.. ఒక ఉల్లిపాయను సన్నగా తరగి.. వెన్నలో వేయించాలి. దోరగా వేగిన తర్వాత క్యాబేజీ తురుము, ఉప్పు, మిరియాల పొడి వేయాలి. కొద్దిగా వేగాక లో ఫ్యాట్ మిల్క్ చేర్చి ఉడికించాలి. తర్వాత జాజికాయ పొడి పావు స్పూన్ చేర్చి.. కొత్తిమీర తరుగుతో గార్నిష్ చేసి దించే సర్వ్ చేయాలి. అంతే క్యాబేజీ, ఉల్లిసూప్ రెడీ అయినట్లే. ఈ సూప్‌కు నేతిలో వేయించిన బ్రెడ్ ముక్కలతో సర్వ్ చేస్తే టేస్ట్ అదిరిపోతుంది.
