జాకీచాన్ కొడుకు, సినిమా హీరో జేసీ చాన్ ఆమధ్య డ్రగ్స్ పుచ్చుకుంటూ పోలీసులకు అడ్డంగా దొరికిపోయిన విషయం తెలిసిందే. ఆ కేసులో జేసీ చాన్ ఆరు నెలలపాటు జైలుశిక్ష కూడా అనుభవించాడు. ఆ సమయంలో జేసీ చాన్ లాంటి పనికిమాలిన కొడుకును కన్నందుకు ఆయన ప్రపంచానికి క్షమాపణలు చెప్పాడు.
కానీ జైలు నుంచి బయటికొచ్చాక జేసీ చాన్ బుద్ధిగా వుంటున్నాడట. తల్లిదండ్రులు చెప్పిన వాట వింటున్నాడని జాకీచానే స్వయంగా చెప్పారు. జైలు జీవితం జేసీచాన్‌లో ఎంతో మార్పు తెచ్చిందని జాకీ చాన్ అంటున్నాడు. ప్రస్తుతం జేసీ చాన్ సంగీతంపై దృష్టి పెట్టాడని ఆయన చెప్పుకొచ్చారు. ఇప్పుడిప్పుడే కుమారుడు ఇచ్చిన షాక్ నుంచి బయటపడుతున్న జాకీ చాన్.. కుమార్తె ప్రవర్తన ద్వారా మరోసారి నెటిజన్ల నుంచి విమర్శలు ఎదుర్కొంటున్నాడు.
