ఈ ఏడాది‘ఉప్పెన’ చిత్రంతో బ్లాక్‌బ‌స్ట‌ర్ హిట్ సాధించి అంద‌రి దృష్టిని ఆక‌ర్షించిన సెన్సేషనల్ స్టార్ వైష్ణవ్ తేజ్ పంజా హీరోగా నూత‌న చిత్రం లాంఛ‌నంగా శుక్రవారం ప్రారంభ‌మైంది. ఎన్నో సక్సెస్‌ఫుల్ చిత్రాల‌ను నిర్మించిన ప్ర‌ముఖ నిర్మాణ సంస్థ శ్రీ వెంక‌టేశ్వ‌ర సినీ చిత్ర ఎల్ఎల్‌పీ బ్యాన‌ర్‌పై రూపొందుతోంది. బాపినీడు స‌మ‌ర్ప‌ణ‌లో అర్జున్ రెడ్డి తమిళ వెర్షన్ను తెర‌కెక్కించిన డైరెక్ట‌ర్‌ గిరీశాయ ద‌ర్శ‌క‌త్వంలో తెర‌కెక్క‌నుంది. సీనియ‌ర్ నిర్మాత బి.వి.ఎస్.ఎన్.ప్రసాద్ నిర్మాత. ముహుర్త‌పు స‌న్నివేశానికి హీరో సాయితేజ్ క్లాప్‌కొట్ట‌గా, విజ‌య్ దుర్గ కెమెరా స్విచ్ ఆన్ చేశారు. బి.వి.ఎస్.ఎన్.ప్రసాద్, బాపినీడు స్క్రిప్ట్‌ను ద‌ర్శ‌కుడు గిరీశాయకు అందించారు.
