రష్యా సంచలన నిర్ణయం: 36 దేశాల నుంచి విమానాల నిషేధం

రష్యా సంచలన నిర్ణయం తీసుకుంది. తమ దేశం గుండా విమానయానంపై ఆంక్షలు విధిస్తూ నిర్ణయం తీసుకుంది. బ్రిటన్, జర్మనీతో సహా 36 దేశాల నుండి విమానయాన సంస్థల విమానాలను రష్యా నిషేధించింది. ఆ దేశ విమానయాన శాఖ ఈ మేరకు సమాచారం ఇచ్చింది. 

రష్యా, ఉక్రెయిన్ మధ్య యుద్ధం కొనసాగుతున్న నేపథ్యంలో సోమవారం బెలారస్‌లో ఇరు దేశాల మధ్య సమావేశం జరిగింది. ఈ సమావేశంలో, ఉక్రెయిన్ వెంటనే యుద్ధాన్ని ఆపివేయాలని, సైన్యాన్ని ఉపసంహరించుకోవాలని రష్యా నుండి డిమాండ్‌ను లేవనెత్తింది. 

ఉక్రెయిన్‌లో దాదాపు 50 లక్షల మందికి పైగా ప్రజలు యుద్ధం కారణంగా వలస వెళ్లిపోయారని ఐక్యరాజ్యసమితి తెలిపింది. రష్యా దాడిలో ఏడుగురు చిన్నారులతో సహా 102 మంది పౌరులు మరణించారని ఐక్యరాజ్య సమితి తెలిపింది.