రోల్ఫ్ క్వామ్ అధ్యక్షతన ఏర్పాటైన అంతర్జాతీయ శాస్త్రవేత్తల బృందం దాదాపు 20 ఏళ్లుగా ప్రపంచంలో చోటుచేసుకున్న తొలి హత్య గురించి పరిశోధనలు నిర్వహిస్తోంది. ఇందులో భాగంగా ఉత్తర స్పెయిన్లోని గుహలో ఈ పుర్రె లభించిందని, పుర్రెతోపాటు 52 విడి భాగాలు కూడా లభ్యమయ్యాయని రోల్ఫ్ క్వామ్ తెలిపారు.
వాస్తవానికి మానవజాతిలో జరిగిన పరిణామాలను తెలుసుకునేందుకు ప్రతి ఒక్కరూ అమితాసక్తిని చూపుతుంటారు. అందునా హత్య వంటి సంచలన విషయాలపై మరింత ఆసక్తి కలగడం సహజం. అయితే తొలినాళ్లలో క్రూరమృగాల బారినపడి మరణించడమే కానీ, హత్యలు కూడా జరిగి ఉంటాయా? అనే అంశంపై జరిపిన పరిశోధనల్లో ఈ విషయం వెలుగు చూసింది.