అమెరికా అధ్యక్ష పీఠం కోసం ఉవ్విళ్లూరుతున్న రిపబ్లికన్ అభ్యర్థి డొనాల్డ్ ట్రంప్ మహిళలపై నోరు పారేసుకోవడం, మహిళల పట్ల అనుచితంగా వ్యవహరించాడని ఎందరో ఆరోపిస్తున్న నేపథ్యంలో.. తాజాగా న్యూయార్క్ వీధుల్లో నకిలీ ట్రంప్ హల్ చల్ చేశాడు.
ట్రంప్ సొంతూరు న్యూయార్క్ కావడంతో అక్కడి మాన్ హట్టన్ వీధుల్లో ట్రంప్ పేరుమీద ట్రంప్ టవర్స్, ట్రంప్ ఇంటర్నేషనల్ హోటల్.. లాంటి ఎన్నో వ్యాపారకేంద్రాలున్నాయి. అలాంటి చోట మంగళవారం నకిలీ ట్రంప్ హల్ చల్ చేశాడు. పదుల సంఖ్యలో మోడల్స్ వెంటరాగా అచ్చం ట్రంప్ లాంటి హెయిర్ స్టైల్, హావభావాలతో అందరినీ ఆకట్టుకున్నాడు.
