బ్రిటన్ ప్రధానమంత్రి ఎన్నికలు : మళ్లీ వెనుకబడిన రిషి సునక్

బ్రిటన్ ప్రధానమంత్రి పీఠం కోసం పోటీపడుతున్న భారత సంతతికి చెందిన రిషి సునక్ మళ్లీ వెనుకపడ్డారు. తాజాగా ఓ మీడియా సంస్థ నిర్వహించిన ఓ సర్వేలో వెల్లడైంది. ఈ ఎన్నికల ఫలితాలను వచ్చే నెల 5వ తేదీన వెల్లడించనున్నారు. 

తాజాగా నిర్వహించిన ఈ సర్వేలో మొత్తం 570 మంది కన్జర్వేటివ్ సభ్యులు పాల్గొనగా ఇందులో లిజ్ ట్రస్‌కు 61 శాతం, రిషి సునక్‌కు 39 శాతం ఓట్లు పోలయ్యాయి. మొత్తం 22 అంశాల ప్రాతిపదికన ఈ సర్వే చేపట్టారు. 

కాగా, కన్జర్వేటివ్ పార్టీ అధ్యక్షుడిగా ఎన్నికయ్యే వ్యక్తి బ్రిటన్ ప్రధాని అవుతారని తెలిసిందే. కన్జర్వేటివ్ నేతను ఎన్నుకునేందుకు తుది గడువు సెప్టెంబరు 2. ఈ నేపథ్యంలో కన్జర్వేటివ్ సభ్యులు పోస్టల్, ఆన్ లైన్ పద్దతిలో ఓటింగ్ లో పాల్గొననున్నారు.