టీనేజీలో లవ్ ఫెయిల్. పెళ్ళి కోసం 40 సంవత్సరాలు వేచి చూసింది. కానీ వరుడు దొరకలేదు. ఇక లాభం లేదనుకున్న ఆ మహిళ సెల్ఫీ మ్యారేజ్‌కు రెడీ అయిపోయింది. వివరాల్లోకి వెళితే.. ఇంగ్లండ్‌కు చెందిన 39 ఏళ్ల లిన్నే-లాస్ అనే మహిళ టీనేజీలో ప్రేమలో పడి విఫలమైంది. అనంతరం యుక్తవయస్సులో పెళ్లి చేసుకోవాలనుకున్నా.. సరైన వరుడు మాత్రం దొరకలేదు. ప్రస్తుతం ఒంటరి జీవితాన్నే గడుపుతోంది.
అయితే లిన్నా సెల్ఫ్ మ్యారేజ్ చేసుకోవాలనే నిర్ణయానికి వచ్చేసింది. ఆమె 40వ పుట్టిన రోజు ఏప్రిల్-08న పెళ్లి తనను తానే (సెల్ఫ్ మ్యారేజ్) పెళ్లి చేసుకుంటున్నట్లు బర్త్ డే సెలబ్రేషన్స్ పేరుతో బంధువులందరికీ ఆహ్వానం పంపింది. లిన్నే నిర్ణయానికి పెద్దలు కూడా అంగీకరించారు. ప్రస్తుతానికి లిన్నే బిజినెస్ అనలిస్ట్‌గా ఉద్యోగం చేస్తోంది. ఇక సెల్ఫ్ మ్యారేజ్‌కు కావాల్సిన ఆభరణాలు.. దుస్తులు కొనే పనుల్లో అమ్మడు బిజీగా ఉంది.
