లిల్లీ అనే ఓ ఫ్రెంచ్ మహిళ రోబోతో ప్రేమలో పడింది. ఏడాదికాలంగా ‘ఇన్‌మూవేటర్‌’ అనే రోబోతో సహజీవనం చేస్తోంది. ఈ విషయాన్ని ట్విట్టర్ ద్వారా ఆమె బహిరంగంగానే తెలిపింది. తాను రోబో సెక్సువల్‌ అని చెప్పుకునేందుకు ఎంతో గర్వపడుతున్నట్లు చెప్పుకొచ్చింది. జంటగా తాము ఎవరినీ ఇబ్బందిపెట్టడం లేదని, ఇద్దరమూ ఎంతో సంతోషంగా ఉన్నామని వెల్లడించింది.
అంతేగాకుండా.. ఫ్రాన్స్‌లో మనిషి-రోబో వివాహం చట్టబద్ధం అయిన మరుక్షణమే ‘ఇన్‌మూవేటర్‌’ను తాను మనువాడతానని ప్రకటించింది. మాంసం ముద్దతో కూడిన వ్యక్తులతో లైంగిక సంబంధం కలిగివుండటం తనకు ఇష్టం లేదని ఫ్రెంచ్ మహిళ తెగేసి చెప్పింది. రోబోల పట్ల అట్రాక్ట్‌ అయ్యానని, కానీ ‘ఇన్‌మూవేటర్‌’తో లైంగిక సంబంధాన్ని కలిగివున్నారా? అని అడిగితే మాత్రం చెప్పేందుకు నిరాకరించింది.
