జపాన్‌లో భారీ భూకంపం సంభవించింది. ఇది రిక్టర్ స్కేలుపై 7.4గా నమోదైంది. ఈ భూకంపం ప్రభావం కారణంగా సునామీ రావొచ్చంటూ శాస్త్రవేత్తలు తొలుత ప్రకటించినప్పటికీ.. ఆ తర్వాత వాటిని ఉపసంహరించుకున్నారు. అయితే, ముందు జాగ్రత్త చర్యగా పలు ప్రాంతాల వాసులను ఖాళీ చేయించారు.
ఈ భూప్రకంపనల ప్రభావం ఆ దేశ రాజధాని టోక్యోలో సైతం కనిపించాయి. ప్రపంచంలో ఎక్కువగా జపాన్‌లోనే భూకంపాలు వస్తున్నాయి. 2011లో వచ్చిన భూకంపంతో ఫుకుషిమా అణువిద్యుత్తు కేంద్రం ధ్వంసమైన విషయం తెల్సిందే. ఈ భూకంపం ధాటికి 20 వేల మందికిపైగా చనిపోయారు. ఈ అణుకేంద్రాన్ని పునరుద్ధరించేందుకు కొన్ని సంవత్సరాలు పట్టింది.
