ఆడసింహం మరో మగ సింహంతో కలిసి తప్పించుకుని పారిపోయిన ఘటన ఇరాన్ రాజధాని టెహరాన్‌లో చోటుచేసుకుంది. భద్రతా బలగాలు వెంటనే జూని తమ అధీనంలోకి తీసుకున్నాయి.
జూ అధికారులు వెంటనే స్పందించి తప్పించుకున్న సింహాల కోసం గాలింపు చర్యలు చేపట్టారు. ఎట్టకేలకు ఆ రెండు సింహాలను బంధించి ఎన్ క్లోజర్ లోకి తరలించారు. వివరాల్లోకి వెళితే.. టెహరాన్‌లో ఓ ఆడ సింహం జూలో సంరక్షకుడ్ని బలిగొంది.
ఆ ఆడ సింహం అనేక సంవత్సరాలుగా టెహరాన్ జూలో ఉంది. 40 ఏళ్ల వయసున్న జూ సంరక్షుకుడు ఒకరు సింహం ఉన్న ఎన్ క్లోజర్‌లోకి ప్రవేశించాడు. దాంతో ఒక్కసారిగా అతడిపై ఆడ సింహం దాడి చేసింది. తీవ్రగాయాలపాలైన ఆ ఉద్యోగి మరణించాడు.
ఎన్ క్లోజర్ తలుపులు తెరిచి ఉంచడంతో ఆ ఆడ సింహం మరో మగ సింహంతో కలిసి తప్పించుకుని పారిపోయింది. దాంతో జూలో భయాందోళనలు నెలకొన్నాయి.
