వివాదాస్పద గురువు నిత్యానంద సోషల్ మీడియాలో వీడియోలు పోస్ట్ చేస్తూ భక్తులకు ఉపన్యాసాలు ఇస్తున్నారు. తన భక్తుల కోసం కైలాసం అనే ప్రత్యేక దేశాన్ని సృష్టించారు. అక్కడ వివిధ దేశాల్లోని తన శిష్యులతో, భక్తులతో మాట్లాడుతున్నానని ప్రకటించారు.
ఇటీవల కైలాష్ అధికారిక వెబ్‌సైట్‌లో, యూఎస్ఏ కైలాష్‌ను గుర్తించిందని పేర్కొంది. దీనికి సంబంధించి అమెరికాలోని న్యూజెర్సీలోని కైలాస, నెవార్క్ మధ్య ఒప్పందం కుదిరిన ఫొటోలను నిత్యానంద శిష్యులు సోషల్ మీడియాలో ప్రచారం చేశారు.
కైలాష్ అధికారిక వెబ్‌సైట్ ఇప్పటికే ఆఫ్రికా ఖండంలోని కొన్ని నగరాలు, కొన్ని విదేశీ నగరాలతో వాణిజ్య ఒప్పందాలను ప్రకటించింది. పలు దేశాల్లోని పెద్ద నగరాలతో సంబంధాలను మెరుగుపరుచుకుంటున్న నిత్యానంద.. ఆయా దేశాల నుంచి కూడా పెట్టుబడులను ఆకర్షించి కైలాసానికి ఆదాయం పెంచేందుకు ప్రణాళికలు రచిస్తున్నట్లు సమాచారం.
