కట్టుకున్న భార్య నుంచి తనకు విడాకులు మంజూరు చేయాలంటూ కోరిన భర్తకు కోర్టు తేరుకోలేని షాకిచ్చింది. ఇంతకాలం ఇంటిపని, వంట పని చేసినందుకు భార్యకు పరిహారంగా రూ.5.57 లక్షలు (7700 డాలర్లు) చెల్లించాలని ఆదేశించింది. ఈమేరకు చైనా కోర్టు ఆదేశాలు జారీచేసింది. దీంతో ఆ భర్త అవాక్కయ్యాడు.
కోర్టు తెలిపిన వివరాల ప్రకారం.. భార్య నుంచి విడాకులు కావాలంటూ భర్త కోర్టును ఆశ్రయించాడు. ఇదేసమయంలో భార్య కూడా కోర్టుకెక్కి ఐదేళ్ల పాటు తానొక్కదాన్నే ఓవైపు, కన్నబిడ్డను చూసుకుంటూ మరోపక్క ఇంటి పని మొత్తం చేస్తూ వచ్చానని తెలిపింది.
