హాలీడే ట్రిప్పును ఎంజాయ్ చేసేందుకు వెళ్లిన సైనికుడు తన భార్య వద్ద కుమారుడిని అప్పగించి దొంగలను హతమార్చారు. ఈ ఘటన బ్రెజిల్‌లో చోటుచేసుకుంది. వివరాల్లోకి వెళితే బ్రెజిల్‌లో హాలీడే ఎంజాయ్ చేసేందుకు వెళ్లిన సర్జంట్ రాఫెల్ సౌజా, భార్య, నెలల కుమారుడితో షాపింగ్‌కు వెళ్లాడు. ఇంతలో అనూహ్యంగా ఆ మాల్‌కి దొంగలు ప్రవేశించారు.
దొంగలు పడ్డారని.. ఆ సైనికుడు తప్పించుకోకుండా.. తుపాకులతో వారిని కాల్చిపారేశాడు. మాల్‌లో వున్న కస్టమర్లను బెదిరించిన ఆ దొంగలకు చుక్కలు చూపించాడు. దొంగలతో ధైర్యంగా వారితో పోరాడుతూ, చేతిలో ఉన్న కొడుకుని భార్యకు ఇచ్చి, తుపాకీకి పని చెప్పాడు.
