రష్యాపై పాశ్చాత్య దేశాల ఆంక్షలతో త్వరలో రష్యా ఆర్థిక సమస్యలను ఎదుర్కోవడం ఖాయం. ఈ నేపధ్యంలో రష్యాలోని పౌరులు పొరుగు దేశాలకు వెళ్లిపోతారన్న ఆందోళనలో పుతిన్ సర్కార్ పడిపోయినట్లు తెలుస్తోంది. ఈ నేపధ్యంలో 10 వేల డాలర్లకు మించి విదేశీ కరెన్సీతో రష్యన్లు దేశం విడిచి వెళ్లరాదంటూ పుతిన్ డిక్రీపై సంతకం చేసారు.
రష్యా మీడియా వెలువరించిన వివరాల ప్రకారం, $10,000 కంటే ఎక్కువ విదేశీ కరెన్సీతో రష్యన్లు దేశం విడిచి వెళ్లకుండా నిరోధించడానికి అధ్యక్షుడు వ్లాదిమిర్ పుతిన్ డిక్రీపై సంతకం చేశారు. క్రెమ్లిన్ ప్రెస్ ఆఫీస్ నుండి వెలువడిన ఈ ప్రకటన ప్రకారం, ఈ చర్య "రష్యా ఆర్థిక స్థిరత్వాన్ని నిర్ధారించే" ప్రయత్నం.
