శృంగారంలో పాల్గొని వ్యభిచారిణులకు డబ్బులిస్తే నేరం.. ఎక్కడ?

సాధారణంగా నిరాశ్రయులైన కొందరు మహిళలు డబ్బు కోసం వ్యభిచారం చేస్తుంటారు. ఈ వ్యభిచారం పలు దేశాల్లో నేరం. మరికొన్ని దేశాల్లో వ్యభిచార వృత్తికి చట్టబద్ధత ఉంది. అయితే, ఫ్రాన్స్‌ మాత్రం వ్యభిచారం నేరం కాదు కానీ, వ్యభిచారిణులకు డబ్బులు ఇవ్వడం మాత్రం నేరం. శృంగారం కోసం డబ్బులు చెల్లించే కస్టమర్లపై ఆ దేశం భారీ జరిమానా విధిస్తుంది.

ఫ్రెంచ్ పార్ల‌మెంట్ కొత్తగా ఆమోదం పొందిన ఈ చట్టం ప్రకారం వ్యభిచారులకు డబ్బులు చెల్లించడం నేరం. కానీ వ్యభిచారం మాత్రం నేరం కాదు. ఈ నియమాళిని ఉల్లంఘించిన విటులకు స్థానిక పోలీసులు అవగాహనా తరగతులు తీసుకుంటారు. వ్యభిచార వృత్తి వల్ల కలుగుతున్న నష్టాలను కూడా ఆ కస్టమర్లకు తెలియజేస్తారు.

నిజానికి ప్రస్తుతం ఫ్రాన్స్‌లో వ్యభిచారానికి చట్టబద్ధత ఉంది. కానీ వ్యభిచార గృహాల ద్వారా, మైనర్ల సెక్స్‌ను ఫ్రాన్స్ చట్టవ్యతిరేకంగా భావిస్తుంది. కొత్త చట్టం ప్రకారం శృంగారాన్ని కొనే కస్టమర్‌కు 2500 డాలర్ల జరిమానా విధించనున్నారు. 

ఒకవేళ రెండోసారి దొరికితే ఆ కస్టమర్‌కు జరిమాను మరింత రెట్టింపు వసూలు చేస్తారు. ప్రస్తుతం ఫ్రాన్స్‌లో సుమారు 30 వేల మంది వ్యభిచార వృత్తిలో ఉన్నారు. అందులో 80 శాతం మంది విదేశీయులే కావడం గమనార్హం.