2012లో హెచ్ఐవీ బారిన పడ్డ ఓ వ్యక్తి 2016లో సైంటిస్టులు నిర్వహించిన క్లినికల్ ట్రయల్స్‌లో తన పేరు నమోదు చేసుకున్నాడు. ఈ క్రమంలో అతనికి 48 వారాల పాటు Dolutegravir, Maraviroc అనే రెండు మెడిసిన్లను నిత్యం రెండు సార్లు 500 మిల్లీగ్రాముల మోతాదులో ఇచ్చారు. అలాగే విటమిన్ బి3 పిల్స్‌ను కూడా ఇచ్చారు.
అనంతరం మార్చి 2019లో అతనిపై క్లినికల్ ట్రయల్స్ ఆపేశారు. తరువాత 57 వారాల పాటు ప్రతి 3 వారాలకు ఒకసారి ఆ వ్యక్తిలో ఉన్న వైరల్ డీఎన్ఏ గురించి తెలుసుకునేందుకు టెస్టులు చేశారు. ఈ క్రమంలో 57 వారాల అనంతరం అతనిలో హెచ్ఐవీ యాంటీ బాడీలు లేవని తేలింది. అంటే.. ఆ వ్యక్తి పూర్తిగా హెచ్ఐవీ నుంచి కోలుకున్నాడని తేలింది.
