ఇండోనేషియాకు చెందిన ఓ మహిళ ఉపాధి కోసం యూఏఈలోని అబుదాబి నగరానికి వచ్చింది. ఉద్యోగంలో చేరిన తర్వాత ఆమె గర్భవతి అనే విషయాన్ని గుర్తించింది. గర్భవతి అనే విషయం ఆఫీసువారికి తెలిస్తే ఉద్యోగం నుంచి తొలగిస్తారని భయపడింది. దీంతో 9 నెలల పాటు గర్భాన్ని రహస్యంగా మోసింది. ఉద్యోగస్థులకే కాదు రూమ్మేట్స్ కూడా తెలియనివ్వలేదు.
కాన్సు నొప్పులను కూడా భరించింది. ఎవరికీ తెలియకుండా ఓ గదిలోకి వెళ్లి బిడ్డకు జన్మనిచ్చింది. అనంతరం కన్నబిడ్డను బాత్‌రూంకు తీసుకెళ్లి తన చేతులతోనే చంపేసింది. బాత్రూం ఫ్లోర్‌పై కొట్టిచంపింది. ఈ విషయాన్ని ఆలస్యంగా గమనించిన ఓ ఉద్యోగి అధికారుల దృష్టికి తీసుకెళ్లాడు. దీంతో వెంటనే అంబులెన్స్‌కు సమాచారమిచ్చారు. శిశువు, తల్లిని హాస్పిటల్‌కు తరలించారు. అప్పటికే శిశువు మృతిచెందిందని వైద్యులు నిర్ధారించారు. మహిళపై కేసు నమోదు చేశారు.
