కరోనా వైరస్ దేశంలో విస్తృతంగా వ్యాపిస్తోంది. కరోనా కారణంగా ప్రపంచ వ్యాప్తంగా క్రీడా పోటీలు రద్దు అయిన నేపథ్యంలో కాసుల వర్షం కురిపించే ఇండియన్ ప్రీమియర్ లీగ్ జరుగుతుందా? లేదా అనేది సందిగ్ధంలో పడింది. అంతేగాకుండా.. ట్వంటీ-20 ప్రపంచ కప్‌పై కూడా నీలి నీడలు కమ్ముకున్నాయి. అక్టోబర్-నవంబర్‌లో జరిగే టీ-20 ప్రపంచ కప్ జరుగుతుందా లేదా అనేది తెలియాల్సి వుంది.
ఇలాంటి పరిస్థితిలో ఐపీఎల్‌కు అక్టోబర్, నవంబర్ విండో సేఫ్ అని అందరూ అనుకుంటున్నారు. ఇప్పుడున్న పరిస్థితులను బట్టి టోర్నీని రద్దు చేయడమో లేక వాయిదా వేయడమో చేస్తే ఐపీఎల్ టోర్నీ అక్టోబరులో జరిగే అవకాశం వున్నట్లు తెలుస్తోంది. ఒకవేళ టీ20 వరల్డ్ కప్ను ఐసీసీ వాయిదా వేస్తే.. ప్రస్తుత ఎఫ్టీపీ ప్రకారం తిరిగి 2022లోనే జరిపే అవకాశం ఉంది.
