వన్‌ప్లస్ గతేడాది నార్డ్ సిరీస్ ప్రారంభించిన సంగతి తెలిసిందే. రూ.25,000 లోపు బడ్జెట్‌లో వన్‌ప్లస్ నార్డ్ స్మార్ట్‌ఫోన్‌ను పరిచయం చేసింది. వన్‌ప్లస్ నార్డ్ 6జీబీ+64జీబీ వేరియంట్ ధర రూ.24,999. కానీ ఈ స్మార్ట్ఫోన్ ఎప్పుడూ ఔట్ ఆఫ్ స్టాక్‌లో కనిపిస్తోంది. దీంతో కస్టమర్లు అంతకన్నా ఎక్కువ ఖర్చు చేసి వన్‌ప్లస్ నార్డ్ కొనాల్సి వస్తోంది. ఇప్పుడు రూ.22,999 బడ్జెట్‌లో వన్‌ప్లస్ నార్డ్ సీఈ 5జీ రిలీజ్ అయింది.
6.43 అంగుళాల 90Hz రిఫ్రెష్ రేట్‌తో ఫుల్ హెచ్‌డీ+ అమొలెడ్ డిస్‌ప్లే ఉంది. 12జీబీ వరకు ర్యామ్, 256జీబీ వరకు స్టోరేజ్ ఆప్షన్స్ ఉన్నాయి. ఆండ్రాయిడ్ 11 + ఆక్సిజన్ ఆపరేటింగ్ సిస్టమ్‌తో పనిచేస్తుంది. డ్యూయెల్ సిమ్ కార్డ్ సపోర్ట్ చేస్తుంది.
