PUBG Mobile India update: పబ్ జీ ఇండియాకు ముహూర్తం ఎప్పుడు..?
మంగళవారం, 19 జనవరి 2021 (10:00 IST)
పబ్ జీ ఇండియాను మంగళవారం ఆవిష్కరించబోతున్నట్లు వార్తలు వస్తున్నాయి. పబ్ జీతో పాటు చైనా యాప్‌లు నిషేధానికి గురైన తరుణంలో.. పబ్ జీ ప్రేమికులంతా నిరాశ చెందారు. దీంతో పబ్ జీ సంస్థ భారత్‌లో ఈ గేమ్ యాప్‌ను ఆవిష్కరించేందుకు మల్లగుల్లాలు పడుతోంది.
2020 సెప్టెంబరులో పబ్ జీ నిషేధానికి గురైన సంగతి తెలిసిందే. అయితే భారత్‌లో పబ్ జీ మళ్లీ వస్తుందని టాక్ వస్తోంది. ఈ వార్తలు నిజమయ్యేలా పబ్ జీ సంస్థ సర్వం సిద్ధం చేసుకుంటున్నట్లు సమాచారం. PUBG మొబైల్ ఇండియా గేమర్స్ జనవరి 15 లేదా, జనవరి 19న ఆవిష్కృతమవుతుందని వార్తలు వచ్చాయి.
PUBG మొబైల్ ఇండియా 2020 సెప్టెంబరు నుండి వార్తల్లో ఉంది. 2020 సెప్టెంబర్‌లో PUBG మొబైల్ ఇండియాను నిషేధించినప్పటి నుండి, ఆట తిరిగి రావడం గురించి టీజర్లు పుష్కలంగా ఉన్నాయి. నవంబర్ 2020లో, దీపావళి సమయంలో, న్యూ ఇయర్ టైమ్‌లో PUBG మొబైల్ ఇండియా తిరిగి వస్తున్నట్లు టీజర్లు విడుదలయ్యాయి.
PUBG మొబైల్ ఇండియా పరీక్షించటానికి కొన్ని డమ్మీ లింక్‌లను విడుదల చేసింది. కాని దాని నుండి ఏమీ బయటకు రాలేదు. ఏదేమైనా, నూతన సంవత్సరంలో భారత్‌లోకి పబ్ జీ వస్తుందని అందరూ అనుకుంటున్నారు. కానీ దేశంలో ప్రారంభించటానికి PUBG మొబైల్ ఇండియాకు ఎటువంటి అనుమతి ఇవ్వలేదని భారత ప్రభుత్వం నిర్మొహమాటంగా పేర్కొంది. కేంద్ర ప్రభుత్వం ప్రకటించిన తర్వాత కూడా సోషల్ మీడియాలో నకిలీ హైప్‌లను వ్యాప్తి చేసే పరిస్థితి ఆగలేదు. మాక్స్టర్న్ పేరుతో భారీ PUBG మొబైల్ ఇండియా ఇన్‌ఫ్లుయెన్సర్‌గా ఉన్న ఒక ట్విట్టర్ యూజర్, PUBG మొబైల్ ఇండియా పునః ప్రారంభానికి సంబంధించి జనవరి 15 నుండి జనవరి 19 మధ్య ఒక ప్రధాన ప్రకటన ఉంటుందని పేర్కొన్నారు.
PUBG మొబైల్ ఇండియా దేశంలో తిరిగి ప్రారంభించడానికి భారత ప్రభుత్వం నుండి ఇంకా అనుమతి పొందలేదు. పునః ప్రారంభం గురించి భారత ప్రభుత్వం లేదా పియుబిజి మొబైల్ కార్పొరేషన్ విడుదల చేసిన పెద్ద ప్రకటన కూడా లేదనే విషయం స్పష్టం అవుతోంది. దీంతో PUBG మొబైల్ ఇండియా మార్చి 2021న ప్రారంభించాలని లక్ష్యంగా పెట్టుకుంది.
అయితే ఇది భారత ప్రభుత్వం, చైనా మధ్య సంబంధాలు మెరుగుపడటంపైనే ఆధారపడి ఉంటుంది. ఇన్ఫర్మేషన్ టెక్నాలజీ యాక్ట్ 2000లోని సెక్షన్ 69 ఎ కింద నిషేధం మిగిలి ఉన్నంత వరకు, పునః ప్రారంభం సాధ్యం కాదు. PUBG మొబైల్ ఇండియాపై నకిలీ వార్తలు, తప్పుడు సమాచారానికి గేమర్స్ బలైపోవద్దని సదరు సంస్థ అధికారులు అభ్యర్థించారు.
