సోషల్ మీడియా మెసేజింగ్ ప్లాట్‌ఫామ్‌లలో ఒకటిగా పరిగణించబడే వాట్సాప్, iOS వినియోగదారుల కోసం ఒక ముఖ్యమైన ఫీచర్ విడుదల అయ్యింది. ఈ అప్డేట్ దాని వ్యూ వన్స్ ఫీచర్‌లోని ఒక ప్రధాన గోప్యతా లోపాన్ని పరిష్కరిస్తుంది. ఈ ఫీచర్ ద్వారా ఫోటోలు, వీడియోలు లేదా వాయిస్ మెసేజ్‌లను పంపితే అవి అవతలి వ్యక్తి ఒకసారి చూసిన తర్వాత పూర్తిగా డిలీట్ అవుతాయి. ఇది వ్యక్తిగత ఫైల్స్, ప్రైవేట్ సమాచారం పంపించేందుకు అనేకమంది ఉపయోగిస్తారు. అయితే ఈ ఫీచర్‌లో ఓ పెద్ద లొసుగు ఉండటంతో యూజర్ల ప్రైవసీకి ప్రమాదం కలుగుతోంది.
వ్యూ వన్స్ ఫీచర్‌లో పంపిన మీడియాను అవతలి వ్యక్తి ఒకసారి చూసిన తర్వాత అది తిరిగి కనిపించదు. కానీ ప్రస్తుతం ఐఫోన్‌లలో ఓ లొసుగును ఉపయోగించి వ్యూ వన్స్ మీడియాను మళ్లీ చూడగలిగే అవకాశం వుంది. ఈ లొసుగుతో ఈ ఫీచర్ ఉద్దేశం పూర్తిగా విఫలమవుతోంది. దీనిపై మెటా పని చేస్తోంది. కానీ ఎప్పటికప్పుడు ఈ సమస్యకు అప్డేట్ రాకముందు యూజర్లు జాగ్రత్తగా వుండాలి. వ్యక్తిగత సమాచారం లేదా రహస్యమైన కంటెంట్‌ను వ్యూ వన్స్ ఫీచర్ ద్వారా పంపే ముందు దీనిపై ఆలోచించడం మంచిది.
