పరుగెత్తినా, వేగంగా నడిచినా, కండరాలను బలోపేతం చేసే పుషప్స్, ఎముకల్ని దృఢంగా ఉంచే తాడాట ఆడటం వంటివన్నీ కలిపి మొత్తం గంట వ్యాయామం చేసేలా చూడాలి. అయితే ఇది ఒకేసారి కాకుండా రోజులో కుదిరినప్పుడల్లా చేసేలా ప్రోత్సహించాలి.
శారీరక శ్రమ అనేది పోటీ తరహాలో ఉండకూడదు. అలాగే ప్రత్యేకమైన పరికరాలూ ఉండాలని లేదు. తాడూ, బంతి, సైకిల్ వంటివి అందుబాటులో ఉంచితే చాలు. వాటి చేతే వ్యాయామం చేయించవచ్చు.
వ్యాయామాన్ని ఇంట్లో చేయమంటే పిల్లలు బద్దకించవచ్చు. అందుకే దగ్గర్లోని పార్కుకి తీసుకెళ్లండి. వ్యాయామంలో ఆటలు కూడా మేళవిస్తేనే పిల్లలు ఉత్సాహంగా చేస్తారు. కాబట్టి సరదాగా, ఆడుతూపాడుతూనే వారిచేత వ్యాయామం చేయించాలి.