దురితలతాలవిత్ర, ఖర దూషణకాననవీతిహొత్ర, భూ భరణకళావిచిత్ర, భవ బంధవిమోచనసూత్ర, చారువి స్ఫురదరవిందనేత్ర, ఘన పుణ్యచరిత్ర, వినీలభూరికం ధరసమగాత్ర, భద్రగిరి దాశరథీ కరుణాపయోనిధీ...!
తాత్పర్యం: పాపమనే తీగలకు కొడవలి వంటివాడవు, ఖరదూషణాదులనే అడవికి అగ్ని వంటివాడవు, భూమిని రక్షించుటయందు విచిత్రుడవు, పుట్టుక అనే ముడిని విడదీయుటయే విధిగా గలవాడవు, ప్రకాశించు పద్మములవంటి నేత్రములు గలవాడవు, పుణ్యచరిత్రుడవు, మేఘకాంతి వంటి శరీరకాంతి గలవాడవు అయిన శ్రీరామా...! అని ఈ పద్యంలో కీర్తించాడు భక్తరామదాసు.
