అపోలో నుంచి పోయెస్ గార్డెన్ అక్కడ నుంచి రాజాజీ హాలులో జయలలిత మృతదేహాన్ని ఉంచారు. ఇలా అమ్మను చివరిసారిగా చూసేందుకు కార్యకర్తలు, ప్రముఖులు, అధికారులు, ప్రజలు బారులు తీరారు. నివాళులు అర్పించారు. కన్నీళ్లు పెట్టుకున్నారు. అయితే అమ్మ మృతదేహం పక్కన నిల్చుని ఓ వ్యక్తి సెల్ఫీ తీసుకున్నాడు. ఆతడు సెల్ఫీ తీసుకునే ఫోటో ప్రస్తుతం సోషల్ మీడియాలో వైరల్‌గా మారింది.
మరోవైపు మెరీనా బీచ్‌లో అమ్మ అంత్యక్రియలు జరుగుతుండగానే సెల్ఫీలు తీసుకునే పద్ధతి కొనసాగింది. దివంగత జయలలితకు అంత్యక్రియలు జరుగుతుండగా, సినీ నటుడు, ఎమ్మెల్యే అయిన కరుణాస్ నవ్వుకుంటూ ఓ వ్యక్తితో సెల్ఫీ తీసుకున్నాడు. ఈ ఫోటో ప్రస్తుతం చర్చనీయాంశమైంది.
