కేంద్రంలో భారతీయ జనతా పార్టీ అధికారంలో ఉంది. దీంతో బీజేపీ పాలిత రాష్ట్రాలతో పాటు.. ఇతర రాష్ట్రాల్లో కూడా బీజేపీ శ్రేణులు అరాచక, ఉన్మాద చర్యలకు పాల్పడుతున్నారు. తాజాగా ఓ పోలీస్ కానిస్టేబుల్‌ను పట్టుకుని బీజేపీ కార్యర్తలు చితకబాదారు. ఆ కానిస్టేబుల్‌ను చివరకు ఓ బీజేపీ కార్యకర్తే రక్షించాడు. దీనికి సంబంధించిన వీడియో ఒకటి సోషల్ మీడియాలో వైరల్ అయింది. ఈ వీడియోను కాంగ్రెస్ పార్టీ షేర్ చేసింది. అయితే, ఈ దాడిలో ఎక్కడి జరిగిందన్న విషయాన్ని మాత్రం తెలియరాలేదు. బీజేపీ శ్రేణులు దాడి చేసిన కానిస్టేబుల్ మాత్రం తృటిలో ప్రాణాపాయం నుంచి తప్పించుకున్నాడని వీడియో చూస్తే ఇట్టే గ్రహించవచ్చు.
కాంగ్రెస్ పార్టీ షేర్ చేసిన ఈ వీడియోలో దాడి ఏ ప్రాంతంలో ఈ దాడి జరిగిందన్న వివ‌రాలు తెలియ‌న‌ప్ప‌టికీ... ఖాకీ యూనీఫాంలో, త‌ల‌కు హెల్మెట్ పెట్టుకుని ఉన్న ఓ న‌డి వ‌య‌సు పోలీసును ప‌ట్టుకున్న బీజేపీ శ్రేణులు... ఆయ‌న‌పై త‌మ పార్టీ జెండాల‌కు వినియోగించే క‌ర్ర‌లు, రాడ్లు, రాళ్ల‌తో మూకుమ్మ‌డిగా దాడికి దిగాయి.
