వ్యవసాయ చట్టాలను రద్దు చేయాలంటూ 'ట్రాక్టర్ ర్యాలీ' చేపట్టిన రైతులు ఎర్రకోటకు చేరుకున్నారు. ఎర్రకోట బురుజులపై జెండాలను ఊపుతూ హల్‌చల్ చేశారు. రిపబ్లిక్ డే పరేడ్‌ కంటే ముందే మంగళవారం ట్రాక్టర్ ర్యాలీ చేపట్టిన రైతులు పెద్ద సంఖ్యలో ఢిల్లీలోకి వివిధ ప్రాంతాల నుంచి అడుగుపెట్టారు. వారిని నిరోధించేందుకు పోలీసులు బారికేడ్లు ఏర్పాటు చేయడంతో రైతులు బారికేడ్లు దాటే ప్రయత్నం చేయడంతో వారిని నిరోధించే క్రమంలో పలు భాష్పవాయిగోళాలు, లాఠీలకు పోలీసులు పని చెప్పారు.
