ఇటీవల ఢిల్లీ ప‌రిస‌ర ప్రాంతాల్లో జుట్టు కత్తిరిస్తున్న ఘటనలు వ‌రుస‌గా జరిగాయి. దీంతో ఢిల్లీ వాసులు భీతిల్లిపోయారు. ఇపుడు ఇవి ఉత్తరప్రదేశ్ రాష్ట్రంలోని మొరాదాబాద్‌‌కూ విస్తరించాయి. ఆడ‌వాళ్ల జుట్టు కత్తిరిస్తున్న ఆ అదృశ్యశక్తి ఎవరన్నది ఇపుడు అంతుచిక్కని విషయంగా మారింది. ఇలా జట్టు కత్తిరింపు బాధితులు పోలీసులకు ఫిర్యాదులు చేస్తున్నారు.
ఇటీవల పశ్చిమ ఢిల్లీలోని మియాపురిలోని కొందరు మహిళలకు ఓ అదృశ్యశక్తి జుట్టు కత్తిరించింది. మియాపురి రామ్‌చంద్ర ప్రాంతంలో అర్థరాత్రి ఓ మహిళ సహా ఆమె ముగ్గురు కూతుళ్లకు ఈ పరిస్థితి ఏర్పడింది. ఈ ఘటనపై బాధిత మహిళలు పోలీసులకు ఫిర్యాదు చేశారు. ఆ తర్వాత రెండు ఘటనలు చోటుచేసుకున్నాయి. బేగంపూర్, ప్రశాంత్ విహార్ ఏరియాలో జుట్టు కత్తిరించబడిన ఘటనలు జరిగాయి. ఇపుడు ఇవి మొరాదాబాద్‌లోని బులంద్‌షహార్‌కు విస్తరించాయి.
